Será por isto polo que o americano medio, ao poder levar ao céntimo a cantidade de diñeiro que paga ao fisco entre impostos directos e indirectos, non perdoa ao político trincón nin a mala xestión, e é moi consciente de que ninguén lle dá nada que non haxa previamente pagado. Xa que estamos ás portas da campaña electoral, gustaríame que a alguén se lle ocorrese introducir no seu programa a obrigatoriedade legal de informar ao cidadán dos impostos que paga por cada compra, xa que actualmente só coñecemos a parte, moito máis pequena, que representan os impostos directos. Quizais desta forma conseguiriamos ser moito máis esixentes cos nosos gobernantes e estes interiorizarían o verdadeiro valor do euro á hora de gastalo.
A dúbida é saber ata que punto interésalles tanta transparencia fiscal e se lles convén que nos decatemos de que os Reis Magos do noso Estado do Benestar, somos nós.
